"Ոսկե Ծիրան" Երեւանյան չորրորդ միջազգային կինոփառատոնի նշանաբանն է` "Հայաստանը քաղաքակրթությունների ու մշակույթների խաչմերուկ": Դիտելով փառատոնը որպես մշակութային խաչմերուկ, ցանկանում ենք, որ այստեղ հանդիպեն տարբեր էթնիկ, ազգային, կրոնական, գեղագիտական պատկանելության ռեժիսորներ ու ֆիլմեր, ուրույն տեսանկյունից պատմելով սովորական մարդկանց առօրյա կյանքի, հոգսերի ու ուրախությունների, կենցաղի ու նիստուկացի, հավատի ու հուսահատության մասին:

ԾՐԱԳԻՐԸ ԵՎ ՖԻԼՄԵՐԻ ԸՆՏՐՈՒԹՅՈՒՆԸ
Փառատոնի ծրագիրն ընդգրկում է մրցութային և արտամրցույթային բաժիններ:
Միջազգային մրցութային ծրագրին կարող են մասնակցել 2005 թվականի հուլիս ամսից հետո ստեղծված`

խաղարկային լիամետրաժ ֆիլմեր
վավերագրական ֆիլմեր (ցանկացած տեւողության)

"Հայկական համայնապատկեր"` համահայկական մրցույթին կարող են մասնակցել աշխարհի հայ կինոգործիչների 2005-2007 թվականների ցանկացած տեւողության խաղարկային, վավերագրական եւ անիմացիոն լավագույն ֆիլմերը:

Արտամրցութային ծրագիրն ընդգրկում է`
"Երեւանյան պրեմիերաներ՚` համաշխարհային կինոյի վերջին շրջանի լավագույն ֆիլմերի ընտրանի, ռետրոսպեկտիվներ

Ֆիլմերի նախնական ընտրությունը կատարում է մասնագիտական հանձնաժողովը, որի որոշումը վիճարկման ենթակա չէ: Նախնական ընտրության համար ֆիլմերը ընդունվում են VHS եւ DVD տեսաֆորմատով:

Ցուցադրման ֆորմատը`
խաղարկային լիամետրաժ ֆիլմերի համար - 35 մմ ժապավենով,
վավերագրական ֆիլմերի համար - DVD

ԺՅՈՒՐԻՆ
Փառատոնի յորաքանչյուր մրցութային կարգում գործում է կինոգործիչներից կազմված ժյուրին:

ՊԱՇՏՈՆԱԿԱՆ ՄՐՑԱՆԱԿՆԵՐԸ
Գլխավոր մրցանակ` "Ոսկե Ծիրան" լավագույն լիամետրաժ խաղարկային ֆիլմին
"Արծաթե Ծիրան" հատուկ մրցանակ լիամետրաժ խաղարկային ֆիլմին
Գլխավոր մրցանակ` "Ոսկե Ծիրան" լավագույն վավերագրական ֆիլմին
"Արծաթե Ծիրան" հատուկ մրցանակ վավերագրական ֆիլմին
"Ոսկե Ծիրան"` "Հայկական համայնապատկեր"-ի լավագույն ֆիլմին
2 "Արծաթե Ծիրան"` "Հայկական համայնապատկեր"-ի հատուկ մրցանակ

Entry form in armenian (.doc)

Entry form in armenian (.pdf)

ՀԱՅՏԵՐԻ ԸՆԴՈՒՆՄԱՆ ԿԱՐԳԸ
Հայտերը ընդունվում են ՙՈսկե Ծիրան՚ կինոփառատոնի գրասենյակում (Երեւան, Բայրոնի 5 հասցեով) մինչեւ 2007թ. ապրիլի 15-ը: (լրացուցիչ տեղեկությունների համար` հեռ./ֆաքս +374 10 56 44 84, էլ.փոստ: info@gaiff.am, www.gaiff.am ) Մրցութային ֆիլմերի նախնական ընտրության արդյունքները հայտնի կդառնան 2007թ. մայիսի 31-ից հետո: