Շնորհակալություն ձեզ և բոլորին, ովքեր ձեզ հետ միասին իրենց ողջ էներգիան ներդրել են փառատոնի մեջ:
Ձեզ հաջոզվեց կազմակերպել այնպիսի փառատոն, որի մասին ես մեկ ամիս առաջ  չեմ էլ երազել, որ կարող էր գոյություն ունենալ Երևանում:
Դուք ինձ և կարծում եմ ձեր բոլոր հյուրերին շատ հաճելի անակնկալ մատուցեցիք:
Շնորհավորում եմ ձեզ, որ այսպիսի մեծ քայլ արեցիք դեպի առաջ: Քայլ, որն անում են շատ փառատոներ շատ տարիների ընթացքում... Իսկ գուցե դուք թևեր ունեք և ոչ թե քայլ եք արել, այլ այդ թևե±րն են ձեզ լավ արդյունքի ու հաջողության բերել...
Եվրոպայում այսօր ֆիլմի մասին խոսում են որպես վաճարքի առարկա, խոսւմ են միայն փողի մասին: Բայց ֆիլմը ցանկալի է տեսնել որպես գեղարվեստական արժեք: Եվ դրա համար շնորհակալություն այնպիսի ռեժիսորներին, ինչպիսիք են Աբբաս Քիարոստամին և Հարություն Խաչատրյանը, շնորհակալություն, որ նրանք կան…

Լյուդմիլա Ցվիկովա, կինոքննադատ, Ռոտերդամի միջազգային կինոփառատոնի ծրագրերի ղեկավար, Նիդերլանդներ

Դժվար է խոսքեր գտնել մեր զգացմունքներն արտահայտելու համար: Մենք շատ հպարտ ենք ու հուզված այս մրցանակի համար:

Երվանդ Ջանիկյան և Անջելա Ռիչչի Լուկկի, կինոռեժիսորներ, Իտալիա
Հատուկ մրցանակ` լավագույն վավերագրական ֆիլմին

Ուզում ենք շնորհակալություն հայտնել ձեզ  հրաշալի փառատոնի ու ձեր գեղեցիկ երկիրն ու մշակույթը տեսնելու հնարավորություն տալու համար: Մեր այցելությունը Հայաստանի շրջաններով մեղմ ասած ապշեցուցիչ էր:
Անհամբեր սպասում ենք մյուս այցելությանը: Թեև հուսով ենք, որ կհանդիպենք ավելի շուտ, քան մյուս տարի:

Նիշթա Ջաին, Սմիրթի Նեվաթիա, կինոռեժջսորներ, Հնդկաստան

 
Շնորհավորում եմ ընդամենը երկրորդ տարում այսպիսի հաջողված փառատոն կազմակերպելու համար և ամենալավ բաները ցանկանում երրորդի համար: Ես իրոք մեծ բավականություն ստացա մրցութային ֆիլմերից, դրանք իսկապես բարձր մակարդակի էին: Շնորհակալություն նաև հրաշալի ժյուրիի համար: Դուք շատ կարևոր գործ եք անում: Շնորհակալություն աշխատակազմի ջերմության ու ընկերասիրության համար: Մենք անընդհատ զգում էինք նրանց ուշադրությունը:

Սայմոն Ֆիլդ, պրոդյուսեր և փառատոնի ծրագրերի ղեկավար, Մեծ Բրիտանիա