Ռախշան Բանի-Էթեմադ և Մոհսեն Աբդոլվահաբ

Ռախշան Բանի-Էթեմադ
Ծնվել է 1954, Թեհրան:
Ռեժիսոր, սցենարիստ: Ավարտել է Թեհրանի դրամատիկական արվեստի համալսարանի կինոռեժիսուրայի բաժինը: Ստեղծագործական ուղին սկսել է որպես Իրանի հեռուստատեսության վավերագրական ֆիլմերի ռեժիսոր, 1987-ին` նկարահանել է իր առաջին խաղարկային ֆիլմը: Նրա գործերում սոցիալական դիրքորոշում կա, եւ դրանցից շատերում կանայք են գլխավոր դերակատարները: Բանի-Էթեմադի ֆիլմերը հաջողությամբ ցուցադրվել են ամբողջ աշխարհում, նա բազմաթիվ միջազգային մրցանակների դափնեկիր է: Եղել է մի շարք կինոփառատոների ժյուրիի անդամ եւ ներկայումս համարվում է Իրանի լավագույն ռեժիսորներից մեկը:
 
Ֆիլմոգրաֆիա
Սպառման կուլտուրան (1979, վավեր.), Գաղթած գյուղացիների զբաղմունքը քաղաքում (1980, վավեր.), Պատերազմի տնտեսական պլանավորումը (1981, վավեր.), Կենտրոնացում (1982, վավեր.), Սահմաններից դուրս (1987), Բաց դեղին (1988), Օտարերկրյա տարադրամ (1989), Նարգես (1991), 1992-ի զեկուցագիրը (1992, վավեր.), Գարնանից գարուն (1993, վավեր.), Ո±ւմ եք ցուցադրում այս ֆիլմերը (1994, վավեր.), Կապտաքողը (1994), Վերջին այցը Իրան Դաֆթարիի հետ (1995, վավեր.), Քաղաքի մաշկի տակ (1996, վավեր.), Մայիսյան տիկինը (1998), Բարանը եւ բնիկը (1999), Քաղաքի մաշկի տակ (2000), Մեր ժամանակները (2002), Գիլանե (2005):

Մոհսեն Աբդոլվահաբ
Ծնվել է 1957, Թեհրան:
Մոնտաժողի համալսարանական կրթություն է ստացել: Որպես  վավերագրական եւ խաղարկային ֆիլմերի մոնտաժող էլ սկսել է  կինոկարիերան 1980-ից: Ավելի քան 30 ֆիլմ է մոնտաժել: Թողարկել է 23 կարճամետրաժ եւ լիամետրաժ վավերագրական ֆիլմ մշակույթի եւ արդյունաբերության թեմաներով: Բազմաթիվ ազգային եւ միջազգային մրցանակների դափնեկիր է: Նրա վերջին վավերագրական ֆիլմը` "Հաջ Աբասի կանայք", 2001-ին "Ոսկե գայլ" մրցանակի է արժանացել Ամստերդամի կինոփառատոնում: Աբդոլվահաբի համագործակցությունը Ռախշան Բանի-Էթեմադի հետ սկիզբ է առել "Նարգես" ֆիլմից եւ շարունակվել նրա բոլոր հետագա աշխատանքներում:  

Ֆիլմոգրաֆիա ( ընտրանի)
Փորձ (2002, վավեր.), Գյուղական մարզաձեւեր (1993-1994, վավեր.), Ահվազի  պողպատը (1996, վավեր.), Զարգացման կազմակերպում (1997-1998, վավեր.), Սեմնանի ուղեցույցը (1998, վավեր.), Իսֆարայեն Չուքե. տերերը (1998, վավեր.), Աշխատանք որոնողները` երկու պլանով (1991-1998, վավեր.), Լոխ Մազար (2000, վավեր.), Հաջի Աբասի կանայք (2001, վավեր.), Արեւի ժառանգությունը (2002, վավեր.):