 |
| |
 Ծրագրեր / Ֆիլմեր Ա-Ֆ
ԱՄԱՌԸ ԲԵՌԼԻՆՈՒՄ
 12.07 - 18.00 Նաիրի, մեծ սրահ
14.07 - 10.00 Մոսկվա, կապույտ սրահճ
14.07 - 22.00 Մոսկվա, կապույտ սրահճ
2005, Գերմանիա, 110 րոպե
ՄԻՋԱԶԳԱՅԻՆ ՄՐՑՈՒՅԹ
Խաղարկային ֆիլմեր
Սց.` Վոլֆգանգ Քոլհաազե, ռեժ.` Անդրեաս Դրեզեն, օպեր.` Անդրեաս Հյոֆեր, կոմպոզ.` Պասկալ Կոմելադ, նկ.` Զուզանե Հոփֆ, Նատալյա Մայեր, հնչ.` Պետեր Շմիդտ, մոնտ.` Յորգ Հաուշիլդ, պրոդ.` Պետեր Ռոմել:
Դերերում. Ինքե Ֆրիդրիխ, Նադյա Ուլ, Անդրեաս Շմիդտ, Շտեֆանի Շյոնֆելդ, Վինցենտ Ռեդեցկի, Քրիսթել Պետերս, Կուրտ Ռադեքե, Հանես Շտելցեր:
Տրագիկոմիկական պատմություն երկու կանանց եւ ամռանը Բեռլինում դիմանալու նրանց ամենօրյա ճիգերի մաին: Գործազուրկ միայնակ մայր Կատրինը եւ բուժքույր Նիկեն ապրում են նույն հարկում եւ լավ ընկերուհիներ են: Թեեւ միշտ ժամադրվում են սխալ տղամարդկանց հետ եւ դեռ ծարավի են երջանկության, չեն կորցնում հումորի զգացումը եւ շատ գիշերներ միասին են անցկացնում Նիկեի պատշգամբում: Ինչեւէ, մի օր Նիկեն ծանոթանում է բեռնատարի վարորդ Ռոնալդի հետ…
Մրցանակներ
Լավագույն սցենարի մրցանակ (Սան Սեբաստիանի միջազգային կինոփառատոն, 2005), "Արծաթե Հուգո"` կնոջ լավագույն դերակատարման համար (Չիկագոյի միջազգային կինոփառատոն, 2005), Էռնստ Լյուբիչի անվան մրցանակ, 2006, Բավարական կինոյի մրցանակ` լավագույն ռեժիսորական աշխատանքի համար, 2006:
|
Անդրեաս Դրեզեն
 Ծնվել է 1963, Գերա, Գերմանիա:
1979-ից սկսել է սիրողական ֆիլմեր նկարահանել: 1985-86 թթ. փորձաշրջան է անցել գեղարվեստական ֆիլմերի "ԴԵՖԱ" ստուդիայում, որտեղ ռեժիսոր Գյունթեր Ռայշի ասիստենտն է եղել: 1986-91-ին ռեժիսուրա է ուսանել Պոտսդամ-Բաբելսբերգի կինոյի եւ հեռուստատեսության դպրոցում: 1990-92-ին Բեռլինի գեղարվեստի ակադեմիայում մասնակցել է Գյունթեր Ռայշի վարպետության դասերին: 1992-ից սցենարիստ է եւ ռեժիսոր, 1998-ին դաձել է Բեռլինի գեղարվեստի ակադեմիայի անդամ: Նրա "Գրիլ" բարը" 2002-ին "Արծաթե արջի" է արժանացել Բեռլինի կինոփառատոնում: 2003-ին եղել է Բեռլինալեի ժյուրիի անդամ:
Ֆիլմոգրաֆիա
Փոքրիկ ծաղրածուն (1985), Ուրիշների քայլերը (1987), Միջատի կյանքից այն կողմ (1989), Ստամբուլ գնալը շատ հեշտ է (1991), Լուռ երկիրը (1992), Քրաուզեի պանդոկը (1993, հ/ֆ), Իմ անծանոթ ամուսինը (1994, հ/ֆ), Կկվի ձագը (1994, հ/ֆ), Պարոն Քրայնսի մյուս կյանքը (1994, հ/ֆ), Հայրենական պատմություններ. Ցատկ դեպի երջանկություն (1995, հ/ֆ), Հայրենական պատմություններ. հին բարեկամները (1995, հ/ֆ), Ակամա բարեկամուհին. ատրակցիոն (1995, հ/ֆ), Ոստիկանական կանչ 110. Փոխանակում (1997, հ/ֆ), Մաշկը փոխելով (1997, հ/ֆ), Գիշերային ուրվագծեր (1999), Կին ոստիկանը (2000, հ/ֆ) Գրիլ բարը (2002), Երբ մտորում եմ Գերմանիայի մասին` պարոն Վիխմանը ՔԴՄ-ից (2003), Վիլենբրոք (2005), Ամառը Բեռլինում (2005):
|
|
|
SPONSORS AND PARTNERS |
|
 |
 |
Nearest Screening
ԲՌՈՒՆՑՔՆԵՐԸ ԳՐՊԱՆՈՒՄ
ՌԵՏՐՈՍՊԵԿՏԻՎ
Սց./ռեժ.` Մարկո Բելլոկկիո, օպեր,` Ալբերտո Մարրամա, կոմպոզ.` Էննիո Մորրիկոնե, նկ.` Ջիզելլա Լոնգո, մոնտ.` Սիլվանո Ագոստի, պրոդ.` Էնցո Դորիա:
Դերերում. Լու Կաստել, Պաոլա Պիտագորա, Մարինո Մազե, Լիլիանա Ջերաչե, Ստեֆանիա Տրոլյո, Ջինի Մաքնիլ:
Գյուղական կալվածքում ապրում են երեք եղբայր ու մի քույր եւ նրանց կույր, աստվածավախ մայրը: Ժառանգներից երեքն ընկնավոր են, չորրորդը` ավագ եղբայր Ավգուստոն` ոչ: Նա ուզում է ազատվել ընտանիքից. սիրահարված է Լուչիային եւ մտադիր է քաղաք տեղափոխվել: Ավգուստոյի քույրը` Ջուլիան, փորձում է խանգարել սիրեցյալներին, մինչ մյուս եղբայրը` Ալեսսանդրոն, հեռուն տանող դավ է մտմտում մոր պահանջներից եւ ընտանեկան այլ հոգսերից ձերբազատվելու, Ավգուստոյին Լուչիայի հետ մեկնելու միջոցներ տրամադրելու եւ թերեւս քրոջ հանդեպ իր արյունապիղծ հակումներին հագուրդ տալու համար:
Մրցանակներ
"Արծաթե ժապավեն"` լավագույն բնօրինակ սցենարի համար, Իտալիայի կինոլրագրողների ազգային միություն, 1966, "Արծաթե առագաստ", Լոկառնոյի միջազգային կինոփառատոն, 1965: |
Nearest Screening
ԱՐԿԱՆԱ
ՄԻՋԱԶԳԱՅԻՆ ՄՐՑՈՒՅԹ
Վավերագրական ֆիլմեր
Սց./ռեժ./օպեր./պրոդ.` Կրիստոբալ Վիսենտե, կոմպոզ.` Կառլոս Կանալես, Տոտո Ալվարես, հնչ.` Մարիո Դիաս, Ռաֆայել Ուերտա, Կրիստոբալ Վիսենտե, մոնտ.` Կրիստոբալ Վիսենտե, Կառլոս Քլայն:
Ֆիլմը ներկայացնում է Վալպառաիսոյի` 1999-ին փակված հին բանտի վերջին աշխատանքային տարին: Հարգանքի տուրք է բանտին եւ այն մարդկանց արժեքներին ու ավանդույթներին, ովքեր ծածուկ ապրել են բանտում դրա 150-ամյա պատմության ընթացքում: |
|
|
